متمرد
أبي أسالك شغيرك وشخلى نارك تخمد
بعد ماكنت أتودد قمت عني تبعد
هذي ماهي طباعك وماهي صفاتك
أكيد في حد بحياتك خلاك أتمرد
أبي أسألك ليش متمرد
صرت تهجر مواعيدي صار حبك أقل
تتعمد تجافيني وبعد الأعز صرت الأذل
تطلع فيني عيوب وتتهمني جدام الكل
اني انا اللي خنت وانت بالوفاء أتفرد
أبي أسألك ليش متمرد
سرقت من عيني النوم والآمان
وشوهت بقلبي ذكرى كانت لك زمان
وزرعت بخفوقي الخوف ونزعت الحنان
وحرقت بستان من العواطف متعمد
أبي أسالك ليش متمرد
قولي في أيش أنا قصرت وياك
دوم أضحي لك وعمري كله فداك
مازعلتك بيوم ولا حبيت أحد سواك
وبالأخير تجازيني بالغدر ومني أتجرد
أبي أسألك ليش متمرد
كلمة باقولها خلها بأذنك تذكار
من غدر بأنسان مصيره يحترق بهالنار
هذي الدنيا وهذي لعبة الأقدار
يوم بسمة ويوم دمعة والأيام أتجدد
أبي أسألك ليش متمرد
أتمنى الله يهنيك بحياتك الجديدة
وتعوض كل ما فاتك وتحقق ما تريده
لا تلتفت للماضي ولا تفكر أنك تعيده
وعيش الحاضر ولا تحاول أنك عليه أتمرد
أبي أسألك ليش متمرد
الأحد أغسطس 10, 2008 4:54 pm
